ആറളം ഫാം ഗവണ്‍മെന്റ് ഹയര്‍ സെക്കണ്ടറി സ്‌കൂളില്‍ വിവിധ ക്ലബുകളുടെ രൂപീകരണം നടന്നു

ആറളം ഫാം ഗവണ്‍മെന്റ് ഹയര്‍ സെക്കണ്ടറി സ്‌കൂളില്‍ വിവിധ ക്ലബുകളുടെ രൂപീകരണം നടന്നു. സ്‌ക്കൂള്‍ തലങ്ങളില്‍ വിദ്യാര്‍ഥികളെ അംഗങ്ങളാക്കി രൂപീകരിക്കുന്ന ക്ലബുകളുടെ രൂപീകരണവും ഉദ്ഘാടനവുമാണ് തിങ്കളാഴ്ച്ച സ്‌കൂളില്‍ നടന്നത്. പരിസ്ഥിതി, വിമുക്തി , സ്വീഡ്, കള്‍ച്ചറല്‍ , വിദ്യാരംഗം, സയന്‍സ് തുടങ്ങിയ ക്ലബുകളാണ് രൂപീകരിച്ചത്. ക്ലബുകളുടെ ഉദ്ഘാടനം കവയത്രി ധന്യാ നരിക്കോടന്‍ നിര്‍വഹിച്ചു. പിടിഎ പ്രസിഡണ്ട് എം.സി. വിജയന്‍ അദ്ധ്യക്ഷനായി. മുന്‍ പിടിഎ പ്രസിഡണ്ട് കെ.ബി. ഉത്തമന്‍ , അദ്ധ്യാപകരായ ഒ.പി സോജന്‍ , ഡോ: രാഖീ രാജ്, കെ. സല്‍ഗുണന്‍.എം.കെ. പുഷ്പ, അനൂപ് സി.കെ., അനീഷ് എ. ഷഹരിയാര്‍ ടി.എന്നിവര്‍ ആശംസകള്‍ നേര്‍ന്ന് സംസാരിച്ചു.