കേരള വ്യാപാരി വ്യവസായി ഏകോപന സമിതി ശ്രീകണ്ഠപുരം യൂണിറ്റിന്റെ വാര്‍ഷിക ജനറല്‍ ബോഡി യോഗം ആരംഭിച്ചു

ശ്രീകണ്ഠാപുരം : കേരള വ്യാപാരി വ്യവസായി ഏകോപന സമിതി ശ്രീകണ്ഠപുരം യൂണിറ്റിന്റെ വാര്‍ഷിക ജനറല്‍ ബോഡി യോഗം ആരംഭിച്ചു. ജില്ലാ പ്രസിഡണ്ട് ദേവസ്യ മേച്ചേരി യോഗം ഉദ്ഘാടനം ചെയ്തു.

കോവിഡിനു ശേഷം വ്യാപാരികളുടെ ഒത്തു ചേരലും 2022-2024 വര്‍ഷത്തേക്കുള്ള പുതിയ ഭരണ സമിതി അംഗങ്ങളുടെ തിരഞ്ഞെടുപ്പുമാണ് ശ്രീകണ്ഠാപുരത്ത് ആരംഭിച്ചത്. യൂണിറ്റ് പ്രസിഡണ്ട് സി.സി.മാമുഹാജി അധ്യക്ഷനായ ചടങ്ങില്‍ സി.കെ അലക്‌സ്, സി. അയ്യൂബ്, ടി.വി. പുരുഷോത്തമന്‍, ജോര്‍ജ് തോണിക്കല്‍, തിലകന്‍ പയ്യന്നൂര്‍, സി.ബാസിത്ത്, മുനീറുദ്ദീന്‍ ഇരിക്കൂര്‍, ഷാബി ഈപ്പന്‍ തുടങ്ങിയവര്‍ യോഗത്തില്‍ സന്നിഹിതരായിരുന്നു. ഉച്ചയ്ക്ക് ശേഷം നടത്തുന്ന ഭരണ സമിതി തെരഞ്ഞെടുപ്പില്‍ സി.സി.മാമുഹാജിയും, ബി.പി. ബഷീറും മത്സര രംഗത്തുണ്ട്.