ഒട്ടനവധി പോഷകഗുണങ്ങളുള്ള സുഗന്ധവ്യഞ്ജനങ്ങളിലൊന്നാണ് കറുവപ്പട്ട. കറുവപ്പട്ട ഉള്‍പ്പെടെയുള്ള ചില സുഗന്ധവ്യഞ്ജനങ്ങള്‍ക്ക് പ്രീബയോട്ടിക് ഗുണങ്ങളുണ്ട്. ഈ ബാക്ടീരിയകള്‍ കുടലിലെ ബാക്ടീരിയകളുടെ സന്തുലിതാവസ്ഥ പുനഃസ്ഥാപിക്കാനും ദഹന ആരോഗ്യത്തെ പിന്തുണയ്ക്കാനും ദഹനപ്രശ്‌നങ്ങളെ ലഘൂകരിക്കാനും സഹായിക്കുന്നു.
പോളിസിസ്റ്റിക് ഓവറി സിന്‍ഡ്രോം അല്ലെങ്കില്‍ പിസിഒഎസ് ഒരു ഹോര്‍മോണ്‍ ഡിസോര്‍ഡര്‍ ആണ്. പിസിഒഎസ് പ്രശ്‌നം കുറയ്ക്കാന്‍ കറുവപ്പട്ട മികച്ചതായാണ് പഠനങ്ങള്‍ പറയുന്നത്. കറുവപ്പട്ട പിസിഒഎസിന്റെ ഫലങ്ങള്‍ കുറയ്ക്കാന്‍ സഹായിക്കുന്നതായി ജേണല്‍ ഫെര്‍ട്ടിലിറ്റി ആന്‍ഡ് സ്റ്റെറിലിറ്റിയില്‍ പ്രസിദ്ധീകരിച്ച പഠനത്തില്‍ പറയുന്നു. ഒരു പഠനമനുസരിച്ച്, കറുവപ്പട്ട വെള്ളം പിസിഒഎസ് ഉള്ള സ്ത്രീകളില്‍ ഇന്‍സുലിന്‍ പ്രതിരോധം കുറയ്ക്കുന്നു എന്നാണ്.
ആന്റിഓക്സിഡന്റ് പോളിഫെനോളുകളും പ്രോആന്തോസയാനിഡിനുകളും കൊണ്ട് സമ്പുഷ്ടമാണ് കറുവപ്പട്ട. ഇത് രോഗപ്രതിരോധ സംവിധാനത്തിന് ഉത്തേജനം നല്‍കുന്നു. ഇതിന്റെ ആന്റിവൈറല്‍, ആന്റി ബാക്ടീരിയല്‍, ആന്റി ഫംഗല്‍ ഗുണങ്ങള്‍ ശ്വാസകോശ സംബന്ധമായ തകരാറുകള്‍, ഹൃദയസംബന്ധമായ പ്രശ്‌നങ്ങള്‍ മുതലായവ പോലുള്ള വിവിധ ആരോഗ്യ അപകടങ്ങള്‍ വികസിപ്പിക്കാനുള്ള സാധ്യത കുറയ്ക്കാന്‍ സഹായിക്കുന്നു.
ആര്‍ത്തവ വേദനയെ നേരിടാന്‍ കറുവപ്പട്ട സഹായിക്കുന്നതായി നാഷണല്‍ സെന്റര്‍ ഫോര്‍ ബയോടെക്‌നോളജി ഇന്‍ഫര്‍മേഷനില്‍ പ്രസിദ്ധീകരിച്ച പഠനത്തില്‍ പറയുന്നു. എല്ലാ ദിവസവും ഒരു കപ്പ് ചെറുചൂടുള്ള കറുവപ്പട്ട വെള്ളം ആര്‍ത്തവ വേദനയുടെ ഫലങ്ങള്‍ കുറയ്ക്കാന്‍ സഹായിക്കും.
സന്ധിവേദന ഉള്ളവര്‍ കറുവപ്പട്ട വെള്ളം കുടിക്കാന്‍ വിദഗ്ധര്‍ നിര്‍ദേശിക്കുന്നു. സന്ധിവാതം പോലുള്ള അവസ്ഥകളുടെ വികസനം തടയുകയും രക്തചംക്രമണം വര്‍ദ്ധിപ്പിക്കുകയും ചെയ്യുന്നു. പാര്‍ക്കിന്‍സണ്‍സ് രോഗത്തിന്റെ ഫലങ്ങള്‍ കുറയ്ക്കാന്‍ സഹായിച്ചേക്കാം. കറുവപ്പട്ട പാര്‍ക്കിന്‍സണ്‍സ് രോഗത്തിന്റെ പുരോഗതിയെ മന്ദഗതിയിലാക്കുന്നതായി ന്യൂറോ ഇമ്മ്യൂണ്‍ ഫാര്‍മക്കോളജി ജേണലില്‍ പ്രസിദ്ധീകരിച്ച പഠനത്തില്‍ പറയുന്നു.
ശരീരത്തിലെ ഗ്ലൂക്കോസിന്റെ അളവിലുള്ള ശക്തമായ പ്രവര്‍ത്തനം കാരണം കറുവപ്പട്ടയ്ക്ക് പ്രമേഹത്തിന്റെ അനന്തരഫലങ്ങളെ നിയന്ത്രിക്കാനുള്ള കഴിവുണ്ട്. പഞ്ചസാരയുടെ അളവ് നിയന്ത്രിക്കാന്‍ മരുന്നുകളെ വളരെയധികം ആശ്രയിക്കുന്നവര്‍ക്ക് കറുവപ്പട്ട വെള്ളം സഹായകമാണ്.
.gif)
