അനിഖ സുരേന്ദ്രൻ പ്രധാനവേഷത്തിലെത്തുന്ന തെലുങ്ക് ചിത്രം ബുട്ട ബൊമ്മ ട്രെയിലർ എത്തി. അന്ന ബെൻ, റോഷൻ മാത്യു, ശ്രീനാഥ് ഭാസി എന്നിവര്‍ പ്രധാനകഥാപാത്രങ്ങളായി എത്തിയ കപ്പേളയുടെ തെലുങ്ക് റീമേക്ക് ആണ് ബുട്ട ബൊമ്മ. അനിഖയുടെ തെലുങ്ക് അരങ്ങേറ്റ ചിത്രം കൂടിയാണിത്.
ബുട്ട ബൊമ്മ എന്നാണ് ചിത്രത്തിന് പേരിട്ടിരിക്കുന്നത്. മലയാളത്തില്‍ അന്ന ബെന്‍ തകര്‍ത്തഭിനയിച്ച വേഷം തെലുങ്കില്‍ മലയാളി കൂടിയായ അനിഖ സുരേന്ദ്രനാണ് കൈകാര്യം ചെയ്യുന്നത്. റോഷന്‍ മാത്യു അവതരിപ്പിച്ച വേഷത്തില്‍ സൂര്യ വശിഷ്ടയും ശ്രീനാഥ് ഭാസി അവതരിപ്പിച്ച വേഷത്തിലേക്ക് അര്‍ജുന്‍ ദാസുമാണ് എത്തുന്നത്. ചിത്രം ഫെബ്രുവരി നാലിന് തിയേറ്ററുകളിലെത്തും.
മുഹമ്മദ് മുസ്തഫ സംവിധാനം ചെയ്ത് 2020ൽ റിലീസ് ചെയ്ത ചിത്രമാണ് കപ്പേള. കോവിഡ് ആരംഭഘട്ടത്തില്‍ തിയറ്ററിലെത്തിയ ചിത്രം അധികം വൈകാതെ പിൻവലിച്ചിരുന്നു. പിന്നീട് നെറ്റ്ഫ്ലിക്സിൽ റിലീസ് ചെയ്തപ്പോൾ മികച്ച പ്രതികരണമായിരുന്നു പ്രേക്ഷകരിൽ നിന്നും ലഭിച്ചത്.
.gif)
