കണ്ണൂർ:ചെന്നൈയിൽ നടക്കുന്ന മുസ്ലിംലീഗ് പ്ലാറ്റിനം ജൂബിലി സമ്മേളനത്തിൽ പങ്കെടുക്കുന്നതിന് പുറപ്പെടുന്ന കണ്ണൂർ ജില്ലയിലെ പ്രതിനിധികൾക്ക് കണ്ണൂർ റയിൽവെ സ്റ്റേഷനിൽ യാത്രയയപ്പു നൽകി.

 

സംസ്ഥാന സെക്രട്ടരി അബ്ദുറഹിമാൻ കല്ലായി, ജില്ലാ പ്രസിഡണ്ട് അഡ്വ. അബ്ദുൽ കരീം ചേലേരി, ജനറൽ സെക്രട്ടരി കെ.ടി. സഹദുല്ല എന്നിവരുടെ നേതൃത്വത്തിൽ ജില്ലയിൽ നിന്നും നൂറിൽ അധികം  പ്രതിനിധികളാണ് 9 ന് നടക്കുന്ന ദേശീയ പ്രതിനിധി സമ്മേളനത്തിൽ പങ്കെടുക്കുന്നത്. ഇതിന് പുറമെ 5000 ത്തോളം  പ്രവർത്തകർ 10 ന് നടക്കുന്ന മഹാറാലിയിൽ പങ്കെടുക്കുന്നതിനായി റയിൽ വഴിയും, പ്രത്യേക വാഹനങ്ങളിലായി പുറപ്പെടുന്നുണ്ട്.