കൊച്ചി: കേരളത്തിലെത്തിയ പ്രധാനമന്ത്രി നരേന്ദ്രമോദിയെ തന്റെ വിവാഹത്തിന് ക്ഷണിച്ച് സംവിധായകന്‍ വിഷ്ണുവും പ്രസ്തുത വധു അഭിരാമിയും. ഇരുവരുടെയും വിവാഹത്തിന്റെ ആദ്യ ക്ഷണക്കത്ത് ആണ് ഇരുവരും മോദിക്ക് നല്‍കിയത്. ബിജെപി നേതാവ് എ.എന്‍ രാധാകൃഷ്ണന്റെ മകള്‍ അഭിരാമിയാണ് വധു. സിവില്‍ സര്‍വീസ് വിദ്യാര്‍ഥിനിയാണ് അഭിരാമി. ഇരുവര്‍ക്കുമൊപ്പം സന്തോഷനിമിഷത്തില്‍ ബിജെപി നേതാവ് എ.എന്‍ രാധാകൃഷ്ണനും പ്രിയപത്‌നിയും സാക്ഷികളായിരുന്നു.
നടന്നത് സ്വപ്നമാണോ യാഥാര്‍ഥ്യമാണോ എന്ന് തുടങ്ങുന്ന കുറിപ്പോടെയാണ് സംവിധായകന്‍ വിഷ്ണു മോഹന്‍ പ്രധാനമന്ത്രിക്കൊപ്പമുള്ള ചിത്രങ്ങള്‍ ഫേയ്‌സ്ബുക്കില്‍ പങ്കുവച്ചത്.
വിഷ്ണു മോഹന്റെ ഫേയ്‌സ്ബുക്ക് പോസ്റ്റ്
നടന്നത് സ്വപ്നമാണോ യാഥാര്‍ഥ്യമാണോ എന്ന് ഇപ്പോഴും തിരിച്ചറിയാന്‍ പറ്റാത്ത അവസ്ഥയില്‍ ആണ്. വിവാഹത്തിന്റെ ആദ്യ ക്ഷണക്കത്ത് ആദരണീയനായ പ്രധാനമന്ത്രി ശ്രീ നരേന്ദ്ര മോഡിജിക്ക് നല്‍കാനും വെറ്റിലയും അടക്കയും കസവ് മുണ്ടും നല്‍കി അനുഗ്രഹം വാങ്ങിക്കാനുമുള്ള മഹാഭാഗ്യം ഇന്ന് ഞങ്ങള്‍ക് ഉണ്ടായി. കേരളീയ വേഷത്തില്‍ ഋഷിതുല്യനായ അദ്ദേഹം ഒരു കാരണവരെ പോലെ തലയില്‍ കയ്യ് വച്ച് അനുഗ്രഹിച്ചപ്പോള്‍ ഒരു ജന്മം സഫലമായ അനുഭൂതി ആയിരുന്നു. വിവാഹിതരാകാന്‍ പോകുന്ന എനിക്കും അഭിരാമികും ഇതിലും വലിയൊരു സുകൃതം ലഭിക്കാനുമില്ല എന്ന് കരുതുന്നു. അദ്ദേഹം പറഞ്ഞ വാക്കുകള്‍ തരുന്ന ഊര്‍ജം ഈ ആയുഷ്‌കാലം മുഴുവന്‍ നീണ്ടുനില്‍ക്കും. ഞങ്ങളോടൊപ്പം അഭിരാമിയുടെ അച്ഛനും അമ്മയും ഈ സന്തോഷനിമിഷത്തിനു സാക്ഷികളായി ഉണ്ടായിരുന്നു.
”I will try my best to attend ‘
ഈ വാക്കുകള്‍ മാത്രം മതി വിവാഹത്തിന് എത്തില്ല എങ്കില്‍ പോലും ആ ദിവസം ധന്യമാകാന്‍
നന്ദി മോഡിജി
.gif)
