അമേരിക്കൻ മോഡൽ ജിജി ഹാഡിഡിനെ ചുംബിച്ച വരുൺ ധവാനെതിരെ സമൂഹമാധ്യമങ്ങളിൽ വ്യാപക പ്രതിഷേധം. നിത മുകേഷ് അംബാനി കൾച്ചറൽ സെന്ററിന്റെ ലോഞ്ച് ഇവന്റിൽ നടന്ന ഡാൻസിനിടെയാണ് വേദിയിലെത്തിയ ജിജിയെ വരുൺ ധവാൻ എടുത്തുയര്‍ത്തി ചുംബിച്ചത്.
അനുവാദം ചോദിക്കാതെയാണ് വരുണ്‍ ജിജിയെ എടുത്തുയര്‍ത്തി ഉമ്മ വച്ചത് എന്നായിരുന്നു ആരോപണം. അപ്രതീക്ഷിതമായി ഉമ്മവെച്ചത് ജിജിയെ വല്ലാതെയാക്കിയെന്നും ചിലര്‍ വിമര്‍ശിച്ചു. ജിജിയെ പോലുള്ള സൂപ്പര്‍മോഡലിന് പോലും രക്ഷയില്ല എന്ന തരത്തിലായിരുന്നു വിമര്‍ശനം.
വിമര്‍ശനം രൂക്ഷമായതോടെ മറുപടിയുമായി വരുണ്‍ ധവാന് തന്നെ രംഗത്തെത്തി. മുൻകൂട്ടി തയാറാക്കിയ സ്ക്രിപ്റ്റ് അനുസരിച്ചാണ് ജിജിയെ സ്റ്റേജിലേക്ക് ക്ഷണിച്ചത് എന്നായിരുന്നു നടൻ ട്വിറ്ററിലൂടെ കുറിച്ചത്. വരുൺ എടുത്തുയർത്തുന്ന വീഡിയോ ജിജിയും തന്റെ ഇൻസ്റ്റഗ്രാമിൽ പങ്കുവച്ചു.
.gif)
