ദോഹ: ലോകകപ്പ് ഫുട്ബോള്‍ വേദിയായ എജ്യുക്കേഷന്‍ സിറ്റി സ്റ്റേഡിയത്തില്‍ പെരുന്നാള്‍ നമസ്‌കാരം ഒരുക്കി ഖത്തര്‍. ചരിത്രത്തില്‍ ആദ്യമായാണ് ഒരു ലോകകപ്പ് സ്റ്റേഡിയം പെരുന്നാള്‍ നമസ്‌കാരത്തിന് വേദിയാകുന്നത്. ലോകകപ്പ് കഴിഞ്ഞ് മാസങ്ങള്‍ പിന്നിട്ടെങ്കിലും ഖത്തറില്‍ അതിന്റെ ആവേശം കെട്ടടങ്ങിയിട്ടില്ലെന്ന് സൂചിപ്പിക്കുന്നതായിരുന്നു സ്റ്റേഡിയത്തില്‍ എത്തിയ ആയിരങ്ങള്‍. സ്വദേശികളും പ്രവാസികളുമെല്ലാം ഒഴുകിയെത്തിയതോടെ സ്റ്റേഡിയം നിറഞ്ഞുകവിഞ്ഞു. പലരും പുറത്തുനിന്നാണ് നമസ്‌കരിച്ചത്.
ലോകകപ്പ് ആരവങ്ങള്‍ തീര്‍ത്ത വേദി ഒരിക്കല്‍ കൂടി കാണാനായതിന്റെ ആവേശത്തിലായിരുന്നു മിക്കവരും. നമസ്‌കാരത്തിന് പിന്നാലെ കുട്ടികള്‍ക്കായി വിവിധ ഗെയിമുകളും സ്റ്റേഡിയത്തിന് സമീപം ഒരുക്കിയിരുന്നു.സ്റ്റേഡിയത്തിലെ നമസ്‌കാരം വേറിട്ട അനുഭവമായിരുന്നുവെന്ന് ആളുകള്‍ പറഞ്ഞു. റൊണാള്‍ഡോ കളിച്ച വേദിയില്‍ നമസ്‌കരിക്കാനായത് വലിയ ഭാഗ്യമായാണ് കാണുന്നതെന്നായിരുന്നു ഒരു ആരാധകന്റെ പ്രതികരണം.
.gif)
