രണ്ടാഴ്ചയിലേറെ മുമ്പ് വിമാനാപകടത്തെത്തുടര്‍ന്ന് 11 മാസം പ്രായമുള്ള കുഞ്ഞ് ഉള്‍പ്പെടെ നാല് കുട്ടികളെ നിബിഡ കൊളംബിയന്‍ ആമസോണ്‍ വനാന്തരത്തില്‍ ജീവനോടെ കണ്ടെത്തി. സൈന്യത്തിന്റെ ശ്രമകരമായ തിരച്ചിലിന് ശേഷമാണ് കുട്ടികളെ കണ്ടെത്തിയത്.
മെയ് 1 ന് തകര്‍ന്ന് മൂന്ന് മുതിര്‍ന്നവര്‍ കൊല്ലപ്പെട്ട ഒരു വിമാനത്തില്‍ യാത്ര ചെയ്യുകയായിരുന്ന പ്രായപൂര്‍ത്തിയാകാത്തവരെ തിരയാന്‍ അധികാരികള്‍ 100 ലധികം സൈനികരെയും സ്‌നിഫര്‍ നായ്ക്കളെയും വിന്യസിച്ചിരുന്നു.11 മാസം പ്രായമുള്ള കുട്ടിക്ക് പുറമേ 13, 9, 4 വയസ്സുള്ള കുട്ടികളും അപകടത്തിന് ശേഷം തെക്കന്‍ കാക്വറ്റ ഡിപ്പാര്‍ട്ട്മെന്റിലെ കാട്ടിലൂടെ അലഞ്ഞുതിരിയുകയായിരുന്നു. പൈലറ്റിന്റെയും രണ്ട് മുതിര്‍ന്നവരുടെയും മൃതദേഹങ്ങള്‍ സൈനികര്‍ നേരത്തെ കണ്ടെത്തിയിരുന്നു.
40 മീറ്റര്‍ വരെ ഉയരത്തില്‍ വളരുന്ന ഭീമന്‍ മരങ്ങളും വന്യമൃഗങ്ങളും കനത്ത മഴയും ‘ഓപ്പറേഷന്‍ ഹോപ്പ്’ ദുഷ്‌കരമാക്കിയിരുന്നു.
വിമാനം തകര്‍ന്നതിന്റെ കാരണം എന്താണെന്ന് അധികൃതര്‍ വ്യക്തമാക്കിയിട്ടില്ല.
റഡാറുകളില്‍ നിന്ന് വിമാനം അപ്രത്യക്ഷമാകുന്നതിന് മിനിറ്റുകള്‍ക്ക് മുമ്പ് പൈലറ്റ് എഞ്ചിനിലെ തകരാര്‍ റിപ്പോര്‍ട്ട് ചെയ്തതായി കൊളംബിയയുടെ ദുരന്ത പ്രതികരണ വിഭാഗം അറിയിച്ചു.
.gif)
