ന്യൂയോര്‍ക്ക്: കുത്തേറ്റ് ആശുപത്രിയില്‍ പ്രവേശിപ്പിക്കപ്പെട്ടതിന് ശേഷം സല്‍മാന്‍ റുഷ്ദി ആദ്യമായി പരസ്യമായി രംഗത്തെത്തി. പ്രസിഡന്റായി സേവനമനുഷ്ഠിച്ചിരുന്ന സാഹിത്യ-സ്വതന്ത്ര ആവിഷ്‌കാര സംഘടനയായ പെന്‍ അമേരിക്കയുടെ വാര്‍ഷിക ഗാലയിലാണ് റുഷ്ദി പങ്കെടുത്തത്. ‘എനിക്ക് വലിയ സന്തോഷം തോന്നുന്നു.’ റുഷ്ദി പറഞ്ഞു, പെന്‍ അമേരിക്കയുമായി ഒരു നീണ്ട ബന്ധമാണെനിക്കുള്ളത്, എഴുത്തുകാര്‍ക്കും പുസ്തകക്കാര്‍ക്കുമിടയിലായിരിക്കുന്നതില്‍ എനിക്ക് സന്തോഷമുണ്ട്. ‘നൂറുകണക്കിന് എഴുത്തുകാരും മറ്റ് പെന്‍ അംഗങ്ങളും ഒത്തുകൂടിയ ഗാലയില്‍ റുഷ്ദി പറഞ്ഞു.
‘സാറ്റര്‍ഡേ നൈറ്റ് ലൈവ്’ സ്ഥാപകന്‍ ലോണ്‍ മൈക്കിള്‍സും ഇറാനിയന്‍ വിമതനായ നര്‍ഗസ് മുഹമ്മദിയും പങ്കെടുത്തവരില്‍ ഉള്‍പ്പെടുന്നു. കഴിഞ്ഞ ഓഗസ്റ്റില്‍, പടിഞ്ഞാറന്‍ ന്യൂയോര്‍ക്കിലെ വിദ്യാഭ്യാസ, റിട്രീറ്റ് സെന്ററായ ഷട്ടാക്വ ഇന്‍സ്റ്റിറ്റിയൂഷനില്‍വെച്ച് റുഷ്ദിയെ കറുത്ത വസ്ത്രം ധരിച്ച് കത്തിയുമായി ഒരു യുവാവ് ആക്രമിച്ചു. ആക്രമണത്തില്‍ റുഷ്ദിക്ക് മുറിവുകളേറ്റു. വലതുകണ്ണിന് കാഴ്ച നഷ്ടപ്പെട്ടു, എഴുതാന്‍ പാടുപെട്ടു.
1989-ല്‍ ഇറാനിലെ ആയത്തുള്ള ഖൊമേനി ‘ദ സാത്താനിക് വേഴ്‌സ്’ എന്ന നോവലില്‍ മതനിന്ദ ആരോപിച്ച് ഫത്വ പുറപ്പെടുവിച്ചതിന് ശേഷം വര്‍ഷങ്ങളോളം റുഷ്ദി ഒളിവിലായിരുന്നു. അതിനുശേഷം അദ്ദേഹം അഭിമുഖങ്ങള്‍ അനുവദിക്കുകയും തന്റെ ട്വിറ്റര്‍ അക്കൗണ്ടിലൂടെ ആശയവിനിമയം നടത്തുകയും ചെയ്തു.
.gif)
