കൊല്ലം: ഡോ.വനന്ദാ ദാസിന്റെ കൊലപാതകത്തില്‍ എഫ്.ഐ.ആറിലെ വിവരങ്ങള്‍ തിരുത്തി റൂറല്‍ പോലീസ് മേധാവിയുടെ റിപ്പോര്‍ട്ട്. പ്രതി ആദ്യം കുത്തിയത് ബിനുവിനെയെന്നാണ് റിപ്പോര്‍ട്ടിലുള്ളത്. വന്ദനയെ അവസാനമാണ് കുത്തിയതെന്നും റിപ്പോര്‍ട്ടിലുണ്ട്. ആദ്യം വന്ദനയ്ക്ക് ആണ് കുത്തേറ്റത് എന്നാണ് എഫ്ഐആറിലുള്ളത്. പ്രതി സന്ദീപ് ആദ്യം ആക്രമിച്ചത് വന്ദനയെയാണെന്നും അത് തടയാന്‍ ശ്രമിച്ചപ്പോള്‍ പോലീസുകാര്‍ക്ക് പരിക്കേറ്റെന്നുമാണ് എഫ്.ഐ.ആറിലുള്ളത്. എന്നാല്‍ സന്ദീപ് ബന്ധുവിനെയും പോലീസുകാരെയുമാണ് ആദ്യം ആക്രമിച്ചതെന്നുമാണ് ദൃക്സാക്ഷിയുടെ മൊഴി. സന്ദീപ് ആദ്യം ആക്രമിച്ചത് പോലീസുകാരെയാണെന്ന് അന്നേരം ആശുപത്രയിലുണ്ടായിരുന്ന നാല് പേര്‍ പ്രതികരിച്ചിരുന്നു. ആദ്യം പൊലീസിനെയാണ് പ്രതി ആക്രമിച്ചതെന്ന് മന്ത്രി കെ.എന്‍ ബാലഗോപാല്‍ പോലീസുമായി സംസാരിച്ച ശേഷം വ്യക്തമാക്കിയിരുന്നു.
വന്ദനയെ പ്രതി സന്ദീപ് പിന്തുടര്‍ന്ന് കുത്തിയെന്നും ഡ്രസിങ് റൂമില്‍ ഉപയോഗിക്കുന്ന കത്രിക ഉപയോഗിച്ചാണ് കുത്തിയതെന്നും എഫ്.ഐ.ആറില്‍ പറയുന്നു. യാതൊരു പ്രകോപനവുമില്ലാതെയാണ് വന്ദനയുടെ തലയ്ക്ക് പ്രതി കുത്തിയത്. കാലില്‍ മുറിവ് കെട്ടുന്നതിനിടെ സന്ദീപ് കത്രിക കൈക്കലാക്കുകയായിരുന്നു. ഓടി രക്ഷപ്പെടാന്‍ ശ്രമിച്ചപ്പോള്‍ പ്രതി വന്ദനയ്ക്ക് നേരെ ആക്രോശിച്ചു. ഒബ്സര്‍വേഷന്‍ റൂമില്‍ അതിക്രമിച്ചു കയറിയും പ്രതി ആക്രമണം നടത്തി. വന്ദന അവശയായി വീണപ്പോള്‍ നിലത്തിട്ട് കുത്തിയെന്നുമാണ് എഫ്.ഐ.ആര്‍. വന്ദനയുടെ ശരീരത്തില്‍ കയറിയിരുന്നാണ് പ്രതി കൃത്യം നടത്തിയത്.
.gif)
