ഹിറ്റായി കുടുംബശ്രീ ഫുഡ്കോര്‍ട്ട്
നാവില്‍ രുചി വിസ്മയം തീര്‍ക്കും കരിഞ്ചീരക കോഴിയാണ് ഇത്തവണ കോട്ടയം നാഗമ്പടത്തു നടക്കുന്ന എന്റെ കേരളം പ്രദര്‍ശന വിപണന മേളയിലെ താരം. കോഴിക്കോടു നിന്നാണ് താരത്തിന്റെ വരവ്. കരിഞ്ചീരകം ചേര്‍ത്ത പ്രത്യേക മസാലയാണ് ഈ കോഴിയുടെ രുചികൂട്ട്. പേര് പോലെ വ്യത്യസ്തമായ ഈ ചിക്കന്‍ വിഭവത്തിന്റെ രുചിയും പൊളിയാണെന്നാണ് ഭക്ഷണ പ്രേമികള്‍ പറയുന്നത്.
കരിഞ്ചീരക കോഴിക്ക് ബെസ്റ്റ് കോമ്പിനേഷന്‍ പൊറോട്ടയും, ചപ്പാത്തിയുമാണ്.
സരസ് മേളയില്‍നിന്നു കഴിച്ച ദം ബിരിയാണിയുടെ രുചി മറക്കാത്തവരും കുടുംബശ്രീയുടെ ഫുഡ് കോര്‍ട്ടിലേക്ക് എത്തുകയാണെന്ന് കോഴിക്കോട് കുടുംബശ്രീ യൂണിറ്റില്‍ നിന്നുള്ള പ്രശാന്തി പറഞ്ഞു.
കോട്ടയത്തിന്റെ സ്വന്തം കപ്പയും ബീഫും ഇടുക്കിക്കാരുടെ സ്വന്തം ഏഷ്യാഡും മേളയില്‍ സ്ഥാനം പിടിച്ചിട്ടുണ്ട്. പിടിയും കോഴിയും ഏറെ ആവശ്യക്കാരുള്ള മറ്റൊരു വിഭവമാണ്. എരിവ് പ്രേമികള്‍ക്കായി കാന്താരി ചിക്കനും ഇടുക്കിക്കാരുടെ കൈവശമുണ്ട്.
വിവിധ ജില്ലയില്‍ നിന്നുള്ള വിഭവങ്ങള്‍ക്ക് പുറമേ ഹൈദരാബാദി ബിരിയാണി, ലസ്സി, ചോലെ ബട്ടൂര, ബഡാ പാവ്, ബട്ടര്‍ പാവ് ബജി, തുടങ്ങിയ വെജിറ്റേറിയന്‍ വിഭവങ്ങളും നിന്നുള്ള നൂഡില്‍സ്, ചിക്കന്‍, വെജ് – ചിക്കന്‍ ഫ്രൈഡ് റൈസ്, ചിക്കന്‍ മോമോസ്, സ്പ്രിംഗ് പൊട്ടറ്റോ, ഭേല്‍പൂരി, സേവ്പൂരി എന്നിവയും ഫുഡ് കോര്‍ട്ടില്‍ ഉണ്ട്. കനത്ത ചൂടിനെ വെല്ലാന്‍ പച്ചമാങ്ങ, കാന്താരി നെല്ലിക്ക, പൈനാപ്പിള്‍ എന്നിങ്ങനെ വിവിധജ്യൂസുകളും ലഭ്യമാണ്. ജില്ലാ കുടുംബശ്രീ മിഷന്റെ നേതൃത്വത്തില്‍ 12 ഫുഡ് സ്റ്റാളുകളാണുള്ളത്. മില്‍മയുടെ സ്റ്റാളും ഫുഡ്കോര്‍ട്ടിലുണ്ട്.
.gif)
