കാഠ്മണ്ഡു: പേസ് മേക്കര്‍ ഉപയോഗിച്ച് എവറസ്റ്റ് കീഴടക്കുന്ന ഏഷ്യയിലെ ആദ്യ വനിത എന്ന ലോക റെക്കോഡ് ലക്ഷ്യമിട്ട് കൊടുമുടി കയറി ഇന്ത്യന്‍ പര്‍വതാരോഹക ബേസ് ക്യാമ്പില്‍ അസുഖം ബാധിച്ച് മരിച്ചു. സൂസന്‍ ലിയോപോള്‍ഡിന ജീസസ്(59) വ്യാഴാഴ്ചയാണ് മരിച്ചത്.
മൗണ്ട് എവറസ്റ്റ് ബേസ് ക്യാമ്പിലെ പരിശീലനത്തിനിടെ ബുദ്ധിമുട്ട് അനുഭവപ്പെട്ടതിനെ തുടര്‍ന്ന് സോലുഖുംബു ജില്ലയിലെ ലുക്ല ടൗണിലെ ആശുപത്രിയില്‍ പ്രവേശിപ്പിച്ച സൂസാന്‍ വ്യാഴാഴ്ച മരിച്ചുവെന്ന് നേപ്പാള്‍ ടൂറിസം ഡിപ്പാര്‍ട്ട്മെന്റ് ഡയറക്ടര്‍ യുവരാജ് ഖതിവാഡ അറിയിച്ചു. ബേസ് ക്യാമ്പിലെ അക്ലിമേറ്റൈസേഷന്‍ പരിശീലനത്തിനിടെ ഇവര്‍ക്ക് അസുഖം ബാധിക്കുകയായിരുന്നു. സാധാരണ വേഗത നിലനിര്‍ത്താന്‍ കഴിയാത്തിനാല്‍ എവറസ്റ്റ് കൊടുമുടി കീഴടക്കാനുള്ള ശ്രമം ഉപേക്ഷിക്കാന്‍ സൂസനോട് ആവശ്യപ്പെട്ടിരുന്നതായി അദ്ദേഹം പറഞ്ഞു. എന്നാല്‍ ഈ ഉപദേശം സൂസന്‍ നിരസിക്കുകയായിരുന്നു.
.gif)
