.jpg)
ന്യൂഡല്‍ഹി: ഗ്യാന്‍വാപി മസ്ജിദ് കേസില്‍ സുപ്രീംകോടതി നാളെ വാദം കേള്‍ക്കും. ഗ്യാന്‍വാപിയിലെ കാര്‍ബണ്‍ പരിശോധനക്കെതിരെ മസ്ജിദ് കമ്മിറ്റി നല്‍കിയ ഹര്‍ജിയിലാണ് വാദം കേള്‍ക്കുന്നത്. കാര്‍ബണ്‍ പരിശോധനയ്ക്ക് അലഹബാദ് ഹൈക്കോടതി നേരത്തെ അനുമതി നല്‍കിയിരുന്നു. മസ്ജിദിനുള്ളിലുള്ള ഫൗണ്ടനില്‍ കാലപ്പഴക്കം സംബന്ധിച്ച കാര്‍ബണ്‍ പരിശോധന വീണ്ടും ആരംഭിക്കുന്നത് തിങ്കളാഴ്ചയാണ്. ഈ കേസ് തിങ്കളാഴ്ച പരിശോധിക്കാന്‍ വേണ്ടി മാറ്റിവയ്ക്കുകയാണെന്ന് ജസ്റ്റിസ് ചന്ദ്രചൂഡ് അറിയിച്ചു. എന്നാല്‍ പള്ളി കമ്മിറ്റിക്ക് വേണ്ടി ഹാജരായ ഉഫൈസി തിങ്കളാഴ്ചയാണ് കാര്‍ബണ്‍ ഡേറ്റിങ് നടക്കുന്നതെന്ന് കോടതിയെ അറിയിച്ചു. ഇതോടെയാണ് കേസ് നാളത്തേക്ക് മാറ്റിയത്.
.gif)
