കോഴിക്കോട്: മുഖ്യമന്ത്രിയായിരിക്കെ വി എസ് അച്യുതാനന്ദന്‍ നടത്തിയ പ്രസ്താവനയാണ് യോഗി ആദിത്യനാഥ് അടക്കമുള്ളവര്‍ ആയുധമാക്കുന്നതെന്ന് യൂത്ത് ലീഗ് സംസ്ഥാന സെക്രട്ടറി പി കെ ഫിറോസ്. വി എസ് ജീവിച്ചിരിക്കുമ്പോള്‍ സിപിഎം അത് തിരുത്താന്‍ തയ്യാറാകണമെന്നും ഫിറോസ് ആവശ്യപ്പെട്ടു. നിയമ നടപടി സ്വീകരിക്കേണ്ടത് സംസ്ഥാന സര്‍ക്കാറാണ്. എന്നാല്‍, ഖേദകരമായ നിലപാടാണ് സ്വീകരിക്കുന്നത്. മുഖ്യമന്ത്രി വെറും പ്രസ്താവന മാത്രം നടത്തുകയാണെന്നും ഫിറോസ് പറഞ്ഞു.
കുറെ നാളുകളായി നടക്കുന്ന പ്രചരണത്തിന്റെ ബാക്കിയാണ് ഇപ്പൊള്‍ സിനിമയിലൂടെ വന്നിരിക്കുന്നത്. ലൗ ജിഹാദ് അടക്കം എല്ലാത്തിന്റെയും കേന്ദ്രം കേരളം എന്ന കള്ളം പ്രചരിപ്പിക്കുന്നു. 32000 മലയാളി സ്ത്രീകള്‍ ഇസ്ലാമിക് സ്റ്റേറ്റില്‍ ചേര്‍ന്നുവെന്ന് കള്ളം പറയുന്നു. അങ്ങനെയെങ്കില്‍ ചുരുങ്ങിയത് 30 പേരെങ്കിലും ഒരു പഞ്ചായത്തില്‍ നിന്ന് ഉണ്ടാകും. ഇവരുടെ ലിസ്റ്റ് തന്നാല്‍ ഒരു കോടി രൂപ ഇനാം യൂത്ത് ലീഗ് തരും. വിദ്വേഷം പ്രചരിപ്പിക്കുന്ന ആര്‍ക്കും ചലഞ്ച് ഏറ്റെടുക്കാം. സിനിമക്കെതിരെ യൂത്ത് ലീഗ് നിയമ നടപടി സ്വീകരിക്കുമെന്നും ഫിറോസ് പറഞ്ഞു.
.gif)
