വ്യോമസേനയില്‍ അഗ്‌നിവീര്‍ ആകാന്‍ അവസരം. ഉദ്യോഗാര്‍ഥികള്‍ക്ക് ജൂലൈ 27 മുതല്‍ അപേക്ഷിക്കാം. അവിവാഹിതരായ സ്ത്രീകള്‍ക്കും പുരുഷന്മാര്‍ക്കും അപേക്ഷ സമര്‍പ്പിക്കാം. ഓഗസ്റ്റ് 17 ആണ് അവസാന തീയതി. agnipathvayu.cdac.in വഴി വിശദ വിവരങ്ങള്‍ അറിയാം.
യോഗ്യത: 50 ശതമാനം മാര്‍ക്കോടെ 12-ാം ക്ലാസ് വിജയിച്ചവര്‍ക്ക് അപേക്ഷിക്കാം. അല്ലെങ്കില്‍ 50 ശതമാനം മാര്‍ക്കോടെ 3 വര്‍ഷ എന്‍ജിനീയറിങ് ഡിപ്ലോമ ജയിക്കണം. (മെക്കാനിക്കല്‍ / ഇലക്ട്രിക്കല്‍ / ഇലക്ട്രോണിക്‌സ് / ഓട്ടമൊബൈല്‍ / കംപ്യൂട്ടര്‍ സയന്‍സ് / ഇന്‍മെന്റേഷന്‍ ടെക്‌നോളജി / ഐടി), അല്ലെങ്കില്‍ 50% മാര്‍ക്കോടെ 2 വര്‍ഷ വൊക്കേഷനല്‍ കോഴ്‌സ് വിജയം. ഇവയിലേത് പഠിച്ചവര്‍ക്കും ഇംഗ്ലിഷിന് 50 ശതമാനം മാര്‍ക്ക് വേണം. സയന്‍സ് ഇതര വിഭാഗങ്ങളിലേക്കും അപേക്ഷിക്കാം. ഓണ്‍ലൈന്‍ റജിസ്‌ട്രേഷന്‍ ഫോം പൂരിപ്പിക്കുമ്പോള്‍ ഇവര്‍ക്ക് സയന്‍സ്, സയന്‍സ് ഇതര വിഷയങ്ങളുടെ പരീക്ഷയില്‍ ഒറ്റ സിറ്റിങ്ങില്‍ പങ്കെടുക്കാന്‍ ഓപ്ഷന്‍ ലഭിക്കും.
പ്രായപരിധി: 2003 ജൂണ്‍ 27നും 2006 ഡിസംബര്‍ 27നും ഇടയില്‍ ജനിച്ചവരാകണം. പ്രായപരിധി 21 വയസ്.
ശാരീരിക യോഗ്യത: ഉയരം (പുരുഷന്മാര്ക്ക്) കുറഞ്ഞത് 152.5 സെ. മീ. അനിവാര്യം. സ്ത്രീകള്‍ക്ക് 152 സെ. മീ. വേണം. പുരുഷന്മാര്ക്ക് നെഞ്ചളവ് 5 സെ. മീ. വികസിപ്പിക്കാന്‍ കഴിയണം. തൂക്കം ഉയരത്തിനും പ്രായത്തിനും ആനുപാതികം. കാഴ്ചശക്തി വിവരങ്ങള്‍ വിജ്ഞാപനത്തില്‍ ഉണ്ട്.
ശാരീരിക ക്ഷമത: പുരുഷന്‍മാര്‍: 7 മിനിറ്റില്‍ 1.6 കിലോമീറ്റര്‍ ഓട്ടം. നിശ്ചിത സമയത്തിനകം 10 പുഷ് അപ് ചെയ്യണം, 10 സിറ്റപ്പ്, 20 സ്‌ക്വാട്‌സ് എന്നിവ ചെയ്യണം. സ്ത്രീകള്‍ 8 മിനിറ്റില്‍ 1.6 കിലോമീറ്റര്‍ ഓട്ടം. നിശ്ചിത സമയത്തിനകം 10 സിറ്റപ്, 15 സ്‌ക്വാട്‌സ്.
അപേക്ഷയും തിരഞ്ഞെടുപ്പും: അപേക്ഷ ഫീസ് 250 രൂപയാണ്. ഷോര്‍ട് ലിസ്റ്റ് ചെയ്യപ്പെടുന്നവര്‍ക്ക് ഒക്ടോബര്‍ 13 മുതല്‍ ഓണ്‍ലൈന്‍ ടെസ്റ്റ്, അഡാപ്റ്റബിലിറ്റി ടെസ്റ്റ്, ശാരീരികക്ഷമതാ പരിശോധന, വൈദ്യ പരിശോധന എന്നിവ അനിവാര്യം.
0 അഭിപ്രായങ്ങള്‍