സാഹസിക പ്രകടനം കാഴ്ചവച്ച് ഗിന്നസ് റിക്കാർഡുകൾ നേടിയ ചൊക്ലിയിലെ ഫായിസ് നാസറിന് അഭിനന്ദന പ്രവാഹം

തലശ്ശേരി : ഒരു മണിക്കൂറിലേറെ സമയം നിർത്താതെ ഫ്രയിംഗ് പാൻ കറക്കൽ, പതിനൊന്ന് സെക്കൻ്റിനകം ഒരു ഗ്ലാസ് ജ്യൂസ് കുടി, ഒരു മിനിട്ടിൽ 274 തവണ കൈത്തണ്ടയിൽ ഹുലാ ഹൂപ് കറക്കൽ, 30 സെക്കൻ്റിൽ 3 ക്ലിമെൻ റൈസ് കഴിക്കൽ, കൈകൾ ഉപയോഗിക്കാതെ18 സെക്കൻ്റിൽ ഒരു പഴം ആഹരിക്കൽ, അസാധ്യമെന്ന് ആർക്കും തോന്നുന്ന സാഹസ പ്രകടനങ്ങൾ നാട്ടിലും ജോലി ചെയ്യുന്ന ഗൾഫിലും കാഴ്ചവച്ച് 5 തവണ ഗിന്നസ് ലോക റിക്കാർഡുകൾ സ്വന്തമാക്കിയ ചൊക്ലി മേനപ്രത്തെ മർവ്വയിൽ ഫായിസ് നാസറിന് ജന്മനാട്ടിലും വിദേശത്തും അഭിനന്ദന പ്രവാഹം.ഫ്രയിങ്ങ് പാൻ ഒഴികെ മറ്റുള്ള യജ്ജങ്ങൾ അബുദാബിയിലാണ് നടത്തിയതെന്ന് തലശ്ശേരി പ്രസ് ഫോറത്തിൽ നടത്തിയ വാർത്താ സമ്മേളനത്തിൽ ഫായിസ് നാസറും പിതാവ് അബ്ദുൾ നാസർ കുയ്യാലും പറഞ്ഞു.

നാട്ടിൽ സ്പീക്കർ അഡ്വ.എ.എൻ.ഷംസീറിൽ നിന്നും കെ.പി.മോഹനൻ എം.എൽ.എയിൽ നിന്നും ഈയ്യിടെ അംഗികര സർട്ടിഫിക്കറ്റുകൾ ഏറ്റുവാങ്ങി. നിരന്തര പരിശ്രമത്തിലൂടെയാണ് നേട്ടം കൈവരിച്ചതെന്നും സ്കൂൾ പ0ന കാലം മുതൽ ഇത്തരം നേട്ടങ്ങൾക്കായുള്ള ശ്രമങ്ങളിൽ ഏർപ്പെടാറുണ്ടായിരുന്നെന്നും നാസർ വെളിപ്പെടുത്തി.ഇതിനൊപ്പം പുരാവസ്തുക്കളുടെ ഒരു ബൃഹത് ശേഖരവും പ്രവാസി യുവാവിൻ്റെ വീട്ടിലൊരുക്കിയിട്ടുണ്ട് - ചൊക്ലി പഞ്ചായത്ത് മുൻ അംഗവും സാമൂഹ്യ പ്രവർത്തകനുമായ പി. ഭാസ്കരൻ ,ഫെൻസിങ് അസോസിയേഷൻ ട്രഷറർ അബ്ദുൾ നാസർ, സ്നേഹതീരം ഡയറക്ടർ കെ.അബ്ദുൽ റഷീദ്, വെയിറ്റ് ലിഫ്റ്ററിംഗ് കോച്ച് ഷിബു ദാമോദരൻ എന്നിവരും പത്രസമ്മേളനത്തിൽ സംബന്ധിച്ചു.