അബുദാബി: ക്രിമിനല്‍ കേസില്‍ ഉള്‍പ്പെട്ടവര്‍ക്ക് ഓണ്‍ലൈന്‍ വഴി പിഴ അടക്കാന്‍ പുതിയ സംവിധാനവുമായി ദുബായ് പബ്ലിക് പ്രോസിക്യൂഷന്‍. കോടതിയുടെ അന്തിമ വിധി വരുന്നതിന് പിന്നാലെ അറസ്റ്റ് ഉത്തരവും യാത്രാ വിലക്കും സ്വമേധയാ ഇല്ലാതാകുന്നതാണ് പുതിയ സംവിധാനം. സ്മാര്‍ട്ട് ഫൈന്‍ പേയ്‌മെന്റ് എന്ന പേരിലാണ് പുതിയ സംവിധാനം ദുബൈ പബ്ലിക് പ്രസിക്യൂഷന്‍ അവതരിപ്പിരിക്കുന്നത്.
കുറ്റവാളിക്ക് കോടതിയില്‍ നേരിട്ട് ഹാജരാകാതെ തന്നെ കേസിന്റെ നടപടിക്രമങ്ങള്‍ പൂര്‍ത്തിയാക്കാന്‍ കഴിയും. കേസുകള്‍ വേഗത്തില്‍ തീര്‍പ്പാക്കുക എന്ന ലക്ഷ്യം മുന്‍ നിര്‍ത്തിയാണ് പുതിയ ഓണ്‍ലൈന്‍ പേമെന്റ് സംവിധാനം പബ്ലിക് പ്രോസിക്യൂഷന്‍ ആരംഭിച്ചിരിക്കുന്നത്. സര്‍ക്കാര്‍ സേവനങ്ങള്‍ കൂടുതല്‍ മെച്ചപ്പെടുത്താന്‍ ലക്ഷ്യമിട്ട് നടപ്പിലാക്കുന്ന 360 സര്‍വീസ് നയവുമായി സംയോജിപ്പിച്ചാണ് പുതിയ പദ്ധതി ആവിഷ്‌ക്കരിച്ചിരിക്കുന്നത്.
മൂന്ന് മാര്‍ഗങ്ങളിലൂടെ ഓണ്‍ലൈനായി പണം അടക്കാനുള്ള സംവിധാനമാണ് സ്മാര്‍ട്ട് ഫൈന്‍ പേമെന്റ് സംവിധാനത്തില്‍ ഉളളത്. പബ്ലിക് പ്രോസിക്യൂഷന്‍ അയക്കുന്ന ടെക്‌സ്റ്റ് മെസേജിലെ ലിങ്കില്‍ ക്ലിക്ക് ചെയ്ത് പണം അടക്കുന്ന രീതിയാണ് ഇതില്‍ ആദ്യത്തേത്. തിരിച്ചറിയല്‍ രേഖയുടെ വിശദാംശങ്ങള്‍ നല്‍കി വളരെ വേഗത്തില്‍ ഓണ്‍ലൈനായി പിഴ അടയ്ക്കാന്‍ കഴിയും. പേമെന്റ് ഉപകരങ്ങളിലൂടെ പിഴ അടക്കാനും സ്മാര്‍ട്ട് ഫൈന്‍ പേമെന്റ് സംവിധാനത്തിലൂടെ കഴിയും. ഡെബിറ്റ്, ക്രെഡിറ്റ് കാര്‍ഡുകള്‍ക്ക് പുറമെ നോട്ടുകളും സ്വീകരിക്കും. പബ്ലിക് പ്രോസിക്യൂഷന്റെ വെബ്‌സൈറ്റില്‍ നേരിട്ട് പ്രവേശിച്ചും പിഴതുക ഓണ്‍ലൈനായി അടയ്ക്കാനാകും. പിഴ അടയ്ക്കല്‍ പൂര്‍ത്തിയായാല്‍ അക്കാര്യം സ്ഥിരീകരിച്ചുകൊണ്ടുളള അറിയിപ്പ് പബ്ലിക് പ്രോസിക്യൂഷനില്‍ നിന്നും മെസേജ് ആയി ലഭിക്കും. അന്തിമ വിധി പുറപ്പെടുവിക്കുന്നതിന് പന്നാലെ അറസ്റ്റ് ഉത്തരവും യാത്രാ വിലക്കും നീക്കിയതായുള്ള അറിയിപ്പ് പൊലീസില്‍ നിന്ന് ലഭിക്കുമെന്നും പബ്ലിക് പ്രോസിക്യൂഷന്‍ അറിയിച്ചു.
.jpeg)
.jpg)
0 അഭിപ്രായങ്ങള്‍